Янги йилда шаҳарнинг кўплаб клуб ва барлари меҳмонларни бир неча соатга жалб қилиш учун турли йўл ва услублардан фойдаланади. Ресторанларнинг аксарияти махсусу шоу-дастурлар ва қўшимча хизматлар таклиф қилади. Умуман, Нью-Йоркда янги йил кечаси бетакрор ўтадиган ва бутун умр ёдда қоладиган бир нечта жойлар бор. Шуларнинг бештаси ҳақида маълумот берамиз.
1. New Years Eve at Bar 54 inside Hyatt Times Square
Меҳмонхона томида жойлашган барда Таймс-скверга олиб чиқувчи махсус терасса мавжуд. Қуш парвози баландлигидан туриб машҳур пуфакни томоша қилиш ва шампан виноси ичиш мумкин. Ушбу ҳашамдор ҳаракат арзонга тушади деб бўлмайди: очиқ барда бўлиш, енгил газаклар ва шампан виноси кўзда тутилган оддий чипта нархи биро дам учун 1399 АҚШ долларига тушади. Кўздан нарироқда ўтиришни истаганлар 5799 доллар эвазига алоҳида стол буюртма қилиб Янги йил манзараларини кузатади.
2. New Years Eve Cruise aboard the Atlantis Yacht
Ортда қолган эски йилни кузатиб қўйиш учун меҳмонларга каттагина яхта таклиф қилинади. Кема шимолий Манхеттендан тахминан соат 20:00 да йўлга чиқади. Меҳмонлар газаклар, кечки овқат ва энг муҳими Янги йилни Нью-Йоркнинг осмонўпар бинолари атрофида, энг яхши ракурсдан феерверкни томоша қилиш имконига эга бўлади. Чипта нархи бир одам учун 469 доллар.
3. Times Square Family ALL Access New Year’s Eve Pass
Янги йил оқшомини бир ерда ўтказиш кимлар учундир зерикарли туйилиши мумкин. Шу сабабли Тайм-сквер атрофларида анча арзон нархларда кўнгилочар масканлар таклиф қилинади. Энг арзон чипта — болалар учун 119 доллар ва катталар учун 199 доллар, билет орқали шаҳар марказидаги 3 та масканда меҳмон бўлиш мумкин. Алкоголдан ташқари бепул ичимликлар чипта нархида кўзда тутилган. Дарвоқеа, барча давлатлардаги каби Нью-Йоркда ҳам шаҳар марказида Янги йил оқшомида хавфсизлик кучайтирилади.
4. AMC 42nd St Times Square New Year’s Eve
Бу жой ҳам Таймс-скверга яқин ерда. У ерда фарзандлар билан ошомни мароқли ўтказиш мумкин. Бундан ташқари чипта нархига Таймс-скверни айланиш ва 59 доллар эвазига Нью-Йоркнинг юрагида Янги йилни кутиб олиш киритилган.
5. New Years Eve at Gansevoort Meatpacking
Gansevoort меҳмонхонасининг томидан туриб нафақат бутун Нью-Йоркни, балки Гудзонни ҳам кузаца бўлади. Меҳмонлар учун заллар, очиқ бар, диджейлар ва махсус дастур тақдим қилинади. Чипталар 178 доллардан.
Изоҳ (0)