Бразилиянинг Сан-Паулу шаҳрида 30 декабрь, душанба куни кечки пайт 4 кишидан иборат оила аъзолари 9-қаватдан лифтда қулаб, ҳалок бўлди.
Daily Mail нашрига кўра, 47 яшар Жуселина Сантос меҳмонлар — синглиси, унинг эри ва жиянини кутиб олиш учун вестибюлга тушади. Улар 9-қаватга кўтарилиш учун биргаликда лифтга чиқади. Шу аснода лифт қулаб тушади ва унинг ичидаги барча одам ҳалок бўлади.
Ҳодиса юз берган уйда яшовчиларнинг айтишича, икки лифт ҳам доим бузуқ ҳолда бўлган: ярим йўлда тўхтаб қолган, эшиклари очилмаган, авария тугмаси ишламаган.
Ишдан чиққан лифт 23 декабрь куни фойдаланишга топширилганди. Одамлар ҳалок бўлганидан сўнг текширув учун яна ёпиб қўйилди.
Изоҳ (0)