The World — бу шунчаки катта саёҳат круиз лайнер кемаси эмас, ушбу улкан сувда сузувчи уйда 100 дан ортиқ ҳашамдор хонадонлар мавжуд. Киборлар учун хизмат кўрсатадиган катта кема 2002 йилдан бери океанда дунё бўйлаб саёҳат қилади. Кемадан хона олган саёҳатчилар («яшовчилар») истаган вақтида бортга чиқиши мумкин ва саёҳат учун кемага алоҳида чипта олиш мажбуриятини олмаган. Кема йил давомида жаҳоннинг турли портларига кириб боради, сувдаги шаҳарча аҳолиси эса кўплаб спорт, маданият тадбирлари, хусусан, «Formula-1» пойгаларининг навбатдаги босқичи, карнаваллар, кинофестиваллар ва бошқа тадбирларни томоша қилиш имкониятига эга.
The World — уй-жой комплекси сифатида бунёд қилинган биринчи денгиз йўловчи кемаси. Кема халқи дунё бўйлаб саёҳат қилаётган вақтида бортда юради, круиз лайнери битта портда 2-3 кун тўхтаб туради.
Кема принципиал ва ўзгача круиз кемасозлиги концепцияси асосида қурилган. Кемани бундай қуриш таклифини норвегиялик тадбиркор Кнуд Клостер берган.
Асосий ғоя ўта бой одамлар учун сувда сузувчи курорт шаклидаги улкан уй барпо қилиш бўлган. Миллионерлар каюталар аниқроғи ваннахона ва балконга эга 100 дан 300 квадрат метр майдонгача бўлган ҳашамдор хонадонларнинг ҳақиқий эгаси бўлади.
Кема бортида жами 165 та хонадон мавжуд — кичик студиялардан тортиб уч хонали кавартираларгача, ҳатто олтита ётоқхонага эга 12 меҳмонни сиғдира оладиган пентхаус ҳам бор. 106 та хонадон икки ва уч хонали.
Кемада яшайдиганларнинг ўртача ёши 64 да, кема аҳолисининг 35 фоизини 50 ёшгача бўлган одамлар ташкил қилади. Лайнерда Шимолий Америка, Европа, Осиё, Австралия, Жанубий Америка ва Жанубий Африка минтақаларидаги 19 та мамлакатдан келган фуқаролар яшайди. Уларнинг айримлари кемада йил давомида яшаса, баъзилар 3-4 ой истиқомат қилади.
Каюталардаги ҳашамдор шароитлардан ташқари кемада ҳамиша ҳаёт қайнайди. Лайнер бортида нафақат ҳордиқ олиш, балки ишлаш ҳам мумкин, замонавий технологиялар масофадан туриб ишлаш имкониятини яратган.
Бассейнлар, голф майдончаси, теннис кортлари, тренажор заллари, спа-марказлар, сув спорти билан шуғулланиш учун бинолар, кутубхона, театр, шароб омборлари, тунги клуб, ресторан ва барлар фаолият олиб боради.
Кеманинг 12 та палубасида 165 та шахсий резиденсиялар, супермаркет, спа-салонлар, кутубхоналар, голф, теннис, фитнес ва сузиш клублари мавжуд.
The World яъни Дунё лайнерининг узунлиги 196 метр, оғирлиги эса 43,5 минг тоннани ташкил этади.
Бир неча ҳафта давомида бортда бўлиб, дунёнинг энг бетакрор манзилларига саёҳат қилиш мумкин. Каюта эгалари квартираларини ижарага бериб бундан даромад ҳам кўради.
Лайнерда уч хил типдаги квартиралар мавжуд: кичик студиядан тортиб учта ётоқхонали ҳашамдор хонадонгача.
Ҳар бир хонадон эгаси уйини ўз дидига мос тарзда жиҳозлаши ва таъмирлаши мумкин.
Кемадан хонадон олиш арзонга тушмайди – турли маълумотларга кўра хонадонлар нархи 3 дан 13 миллион АҚШ долларигача нархланган. Бундай қиммат қийматга қарамай 80 та хонадон кема қуриб битказилгунига қадар сотиб бўлинган.
Изоҳ (0)