«Манчестер Юнайтед» ярим ҳимоячиси Пол Погба жароҳат сабаб бир неча ҳафта майдонга туша олмайди.
Бу ҳақда жамоа бош мураббийи Оле-Гуннар Сульшер маълум қилди.
«Унда жароҳат бор. Погбанинг болдир суяги билан товон суягини бириктирувчи бўғинида муаммо мавжуд. У бир неча ҳафтани ўтказиб юборади», — дейди норвегиялик мутахассис.
Аввалроқ франциялик футболчи жароҳат сабаб октябрь ва ноябрь ойларидаги ўйинларни ўтказиб юборганди. Погба декабрда иккита учрашувда иштирок этди ва уларнинг иккисида ҳам захирадан майдонга тушганди.
Футболчи Англия чемпионатининг 21-туридан ўрин олган «Арсенал»га қарши кечган ўйин (0:2) қайдномасидан ҳам жой олмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)