АПЛнинг сўнгги 10 йилликдаги энг яхши тўпурари маълум бўлди

«Манчестер Сити» ҳужумчиси Серхио Агуэро Англия Премьер Лигасида сўнгги ўн йилликдаги энг яхши тўпурарга айланди.

31 ёшли аргентиналик футболчи 174 та гол билан етакчилик қилмоқда. Агуэро 2011 йилдан буён манчестерликлар сафида ҳаракат қилиб келади.

Ўн йилликнинг энг яхши тўпурарлари рўйхатида иккинчи ўринни «Тоттенҳэм» ҳужумчиси Ҳарри Кейн эгаллади. 2013/14 йилги мавсумдан бошлаб «шпорлар»нинг асосий таркиб футболчисига айланган Ҳаррининг ҳисобида 136 гол бор.

Учинчи ўрин эса «Манчестер Юнайтед» ва «Эвертон» жамоаларининг собиқ форварди Уэйн Рунига тегишли бўлди (114 гол).

Премьер Лиганинг сўнгги ўн йилликдаги энг яхши тўпурарлари:

1. Серхио Агуэро («Манчестер Сити») — 174.
2. Ҳарри Кейн («Тоттенҳэм») — 136.
3. Уэйн Руни («Манчестер Юнайтед», «Эвертон») — 114.
4. Ромелу Лукаку («Челси», «Эвертон», «Вест Бромвич», «Манчестер Юнайтед») — 113.
5. Робин ван Перси («Арсенал», «Манчестер Юнайтед») — 98.
6. Жейми Варди («Лестер») — 97.
7. Эден Азар («Челси») — 85.
8. Оливье Жиру («Арсенал», «Челси») — 78.
9. Раҳим Стерлинг («Ливерпуль», «Манчестер Сити») — 77.
10. Садио Мане («Ливерпуль») — 76.