Украина ва айирмачилар икки йил ичида илк марта асирларни алмашди, деб хабар берди «ТАСС».
Киев ҳамда ЛХР ва ДХР ўнлаб одамларини бир-бирига қайтарди, улар орасида 2014 йил февралида Майданда одамларни ўққа тутишда айбланган Украина ИИВнинг «Беркут» махсус бўлинмаси жангчилари ҳам бор.
Асирлар алмашиш бўйича келишув уч ҳафта муқаддам Владимир Путин ва Владимир Зеленский ўртасида Германия ва Франция президентлари иштирокидаги учрашувда тузилганди.
Алмашув туманли тонгда Донбасс билан чегарадаги «Майорс» назорат-ўтказув пунктида бошланди ва тушликдан кейин якунланди. Киев 87 кишини топшириб, 55 кишини олиб кетишни режалаштирганди. Алмашиш жараёнида Донбасс республикаси Украинадан олинган шахслар сони 124 кишига етди.
Ўндан ортиқ киши айирмачилар назоратидаги ҳудудга қайтишни истамади. Шунингдек, Киевдагилар рўйхатидаги 4 киши Донецкда қолишга қарор қилган.
Икки йил олдинги асирлар алмашинувида ҳам тенгсизлик кузатилганди: Киев 233 кишини қайтарган ва эвазига 73 киши олганди. Бундан ташқари, сентябрда Россия ва Украина «35»га «35» форматида асирлар алмашганди.
Ҳафтанинг бошида Украина шарқидаги вазиятни ҳал қилиш бўйича алоқа гуруҳи жорий йилнинг охиригача унинг ўтказилишига рози бўлди, бу Париждаги «Нормандия тўртлиги» саммитининг якуний баёнотида кўзда тутилган.
Изоҳ (0)