Шимолий Корея халқининг турмуш даражасини ошириш ва иқтисодиётни ривожлантиришга интилиши лозим. Бу ҳақда КХДР етакчиси Ким Чен Ин Меҳнат партияси Марказий қўмитасининг пленумида маълум қилди, дея хабар беради «Коммерсантъ».
Ким Чен Ин мамлакат суверенитети ва хавфсизлиги кафолатланиши зарурлигини билдирди.
У мамлакатнинг иқтисодий мустақиллигини мустаҳкамлаш ва халқ хўжалиги асосий соҳаларидаги ҳолатни имкон борича тезроқ яхшилашни топширди. Атроф-муҳитни ҳимоя қилиш ва табиий офатларнинг олдини олиш чораларини кўришга чақирди.
Шунингдек, Ким Чен Ин қаттиқ интизом ўрнатиш ва қишлоқ хўжалиги, фан, таълим ва соғлиқни сақлаш соҳаларида ўзгаришларга эришиш лозимлигини таъкидлади.
Изоҳ (0)