Юлдуз Усмонованинг Instagram’даги саҳифасида хонанданинг Вазирлар Маҳкамаси ҳузуридаги Дин ишлари бўйича қўмита раиси билан учрашувидан сурат эълон қилинди, дея хабар бермоқда «Azon.uz».
Суратдан англашилишича, учрашувда Ўзбекистон мусулмонлари идораси раиси биринчи ўринбосари Ҳомиджон Ишматбеков ва Тошкент шаҳар бош имом-хатиби Нуриддин Холиқназаров ҳам иштирок этганини кўриш мумкин.
Дин ишлари бўйича қўмитанинг Telegram-каналида қолдирилган хабарга кўра, «ижтимоий тармоқларда кенг муҳокамаларга сабаб бўлаётган Ўзбекистон халқ артисти Юлдуз Усмонова билан боғлиқ жараёнга ойдинлик киритиш мақсадида ўзаро суҳбат ўтказилган».
«Мулоқот давомида бўлиб ўтган ҳолат юзасидан томонларнинг фикр-мулоҳазалари тингланди. Ўзаро тушуниш асосида бўлиб ўтган мулоқотда бошқа бу мавзуга қайтмаслик, ҳар хил муносабатлар билдирмасликка келишиб олинди. Юртдошларимизни ҳам мазкур ҳолат бўйича турли тушунмовчиликларни келтириб чиқарадиган шарҳларга эътибор бермасликка чақирамиз», — дейилади Дин ишлари бўйича қўмита ахборотида.
Изоҳ (0)