Тошкент вилоятида 18 ёшли йигит пиротехника портлаши оқибатида жиддий жароҳат олди, у Тошкент шаҳрига олиб келинди ва қўли жарроҳлик амалиётидан ўтказилди. Бу ҳақда Соғлиқни сақлаш вазирлиги хабар берди.
Маълум қилинишича, Тошкент вилояти Ўрта Чирчиқ тумани «Қумовул» ҚФЙда яшовчи, 2002 йилда туғилган С.А. ўз уйида пиротехника воситаси қўлида портлаши оқибатида жиддий жароҳат олган.
Шундан сўнг у зудлик билан туман тиббиёт бирлашмасига олиб келиниб, биринчи тиббий ёрдам кўрсатилган. Аммо олган жароҳатининг жиддийлигини ҳисобга олиб, йигит тезкор равишда Республика шошилинч тиббий ёрдам илмий маркази вилоят филиалининг жонлантириш бўлимига етказилган. Унга чап қўл панжа соҳасида катта ҳажмли эзилиб, йиртилган жароҳати, тўртинчи ва бешинчи бармоқлар жароҳати ва тирноқ фалангасининг травматик узилиши ташхиси қўйилган. Жарроҳлик амалиёти муваффақиятли ўтказилган. Айни пайтда даволаш муолажалари давом этмоқда.
Вазирлик томонидан маълумот берилишича, пиротехник воситалари таъсирида куйиш жароҳати юзага келган ҳолатларда куйган соҳаларни совуқ сув билан ювиш ҳамда куйган соҳаларга ўзи билмаган ҳолда турли хил дори воситаларини ишлатмаслик зарур. Биринчи навбатда асептик боғлам қўйиб, тез тиббий ёрдам хизмати ёки шифохоналарнинг куйганлар бўлимига мурожаат қилиниши лозим.
Мавзуга доир:
Сурхондарёда қарийб 27 минг дона пиротехника воситалари мусодара қилинди
Жиззахда божхоначилар томонидан 20 минг дона пиротехника воситалари тўхтатиб қолинди
Оҳангарондаги «Чинор» масканида катта миқдордаги пиротехника воситалари тўхтатиб қолинди
Самарқандда ИИБ ходимлари томонидан 25 млн сўмлик пиротехника воситалари тўхтатиб қолинди
Изоҳ (0)