А-373 «Тошкент—Ўш» автомобиль йўлининг Қамчиқ довонидан ўтган қисмида 29—30 декабрь кунлари об-ҳаво шароити оғирлашади. Бу ҳақда «Ўзгидромет» маркази маълум қилди.
Хабар беришларича, якшанба—душанба кунлари довонда қор, вақти-вақти билан кучли қор ёғиши кутилмоқда. Туман тушиб, кўриш даражаси 50—100 метргача пасайиши мумкин.
«Шамол тезлиги сониясига 15—20 метргача кучайиши, йўлда қор уюмлари, яхмалаклар ҳосил бўлиши кутилмоқда», — дейилади «Ўзгидромет» ахборотида.
Аввалроқ айнан шундай об-ҳаво шароити сабабли 21 декабрь куни довон бўйлаб автомобиллар ҳаракати вақтинча тўхтатилган эди. 25 декабрда эса Қамчиқда учта машина чуқурга тушиб кетгани ҳақида хабар берилган эди.
Изоҳ (0)