Жазоирда маҳаллий футбол жамоаси “МC Алгер” чемпионлик унвонини қўлга киритди. Финал ҳуштаги чалиниши биланоқ стадионнинг юқори трибунаси тўсиғи синиб, мухлислар йиқилиб тушган. Оқибатда 3 киши ҳалок бўлган. Бу ҳақда BBC хабар берди.
Маҳаллий оммавий ахборот воситаларига кўра, Жазоирдаги “5 июль” стадионида мухлислар ғалабани нишонлаётганда тўсиқ синиб, улар пастга қулаб тушган. Ўнлаб одамлар жароҳатланган. Учта шифохонада 70 дан ортиқ одам даволанаётгани ҳақида хабар берилган.
“МC Алгер” жамоаси футболчилари ва ходимлари жароҳатланганларга қон топшириш учун шифохонага боргани айтилган. Жазоир президенти Абдулмажид Таббун воқеа юзасидан ҳамдардлик билдириб, жароҳатланганларга тезроқ соғайиб кетишини тилаган.
Стадион 2024 йили ҳам лига чемпионлигига мезбонлик қилган эди. Ўйин давомида байрамона кайфият ҳукм суриб, машъалалардан чиққан яшил тутун стадионни қамраб олганди. Фожиа ортидан лига кубогининг тақдимоти қолдирилганди.
“МC Алгер” “НC Магра”га қарши 0:0 ҳисобида дуранг ўйнаб, кетма-кет иккинчи йил лигада ғолиб чиқди.
Изоҳ (0)