Ўзбекистон қўшни Туркманистон билан чегараолди ҳудудларини алмашади. Бу ҳақда Ўзбекистон ташқи ишлар вазири биринчи ўринбосари Илҳом Неъматов Россиянинг «РИА Новости» агентлигига берган интервьюсида маълум қилган.
Илҳом Неъматов мухбирнинг Қозоғистон ва Туркманистон билан чегара ҳудудларида амалга ошириладиган ишлар юзасидан берган саволига қуйидагича жавоб берган:
Айни вақтда Туркманистон ва Қозоғистон билан қизғин руҳдаги музокаралар олиб боряпмиз. Насиб қилса, камида 2020 йилнинг биринчи ярим йиллигида Қозоғистон билан чегара ҳудудини тўлиқ белгилаб олиш бўйича келишув имзоланади. Музокаралар жараёни якунига етиб бормоқда.Ўзбекистон ташқи ишлар вазирининг биринчи ўринбосари интервью давомида Президент Шавкат Мирзиёевнинг 2020 йил февраль ойи бошида Россияга сафар қилиши, кейинроқ Фашизм устидан қозонилган ғалабанинг 75 йиллиги муносабати билан 9 май куни Москвада бўладиган байрам тантаналарида қатнашиши ҳақида гапирган. Шунингдек, Илҳом Неъматовнинг «РИА Новости» агентлигига берган интервьюсида Евросиё иқтисодий иттифоқи (ЕОИИ)га қўшилиш Ўзбекистон учун иқтисодий жиҳатдан фойдали эканлиги қайд этилган.Туркманистон билан ҳам шундай натижага эришилади. Бу борада ҳам демаркация жараёни амалга оширилиши белгиланган, музокаралар муваффақиятли кечмоқда. Ушбу масалаларга ўзаро манфаатли музокаралар орқали ечим топилмоқда. Туркманистон ҳам, Ўзбекистон ҳам бу каби келишувлардан манфаатдор. Паритет алмашинувлар ҳам амалга оширилади.Илҳом Неъматов, Ўзбекистон ташқи ишлар вазирининг биринчи ўринбосари
Изоҳ (0)