26 декабрь, пайшанба куни Ўзбекистон бўйлаб бир неча соат давомида Uzcard ва Payme онлайн тўлов хизматларидан фойдаланиш имконияти бўлмади.
Ягона умумреспублика процессинг маркази ушбу тўхталишларга тизимда профилактик ишлар олиб борилгани сабаб бўлганини маълум қилган. Марказ веб-сайтидаги хабарда техник ишларнинг 20 декабрда ўтказилиши ҳақида ёзилган.
Payme иловасидаги хабарномаларда 26 декабрь куни техник ишлар ўтказилиши қайд этилган. Айни вақтда иккала онлайн тўлов тизимлари ҳам ишлаб турибди.
Uzcard миллий тўлов тизимидаги носозлик оқибатида 2018 йил 15 сентябрда уч кун давомида онлайн тўловлар, банк ўтказмалари ва бошқа хизматлар ишламаган. Аҳолининг пластик карталар орқали тўловни амалга ошириши ва банкоматлардан пул ечишининг ҳам иложи бўлмаганди. Кейинчалик уч кун ичида бюджетга 27—30 миллиард сўм келиб тушмагани маълум қилинган.
Изоҳ (0)