Самарқанд вилоятининг Жомбой туманида инсон ўлими билан якунланган йўл-транспорт ҳодисаси содир бўлди. Бу ҳақда ИИВ ҳузуридаги Тергов бошқармаси хабар берди.
22 декабрь куни тахминан соат 23:30 ларда ҳайдовчи 30 ёшли А.З. бошқарувидаги Spark русумли автомашинасини Жомбой туман «Саричашма» МФЙ ҳудудидан ўтувчи 4R48 автомобиль йўлининг 4-километрида «Эшимоқсоқ—Жомбой» йўналиши бўйича бошқариб бораётган вақтида йўлни кесиб ўтаётган пиёдалар 30 ёшли Ф.Р. ва З.Р.ларни уриб юбориб, йўл-транспорт ҳодисаси содир қилган.
Натижада пиёда Ф.Р. турли даражадаги тан жароҳатлари олиб, туман тиббиёт бирлашмасига олиб кетилаётган вақтида вафот этган, З.Р. эса оғир тан жароҳатлари билан туман тиббиёт бирлашмасига ётқизилган.
Мазкур ҳолат юзасидан Жомбой туман ИИБ ҳузуридаги Тергов бўлими томонидан Ўзбекистон Республикаси Жиноят кодексининг 266-моддаси 2-қисми (Одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Ҳозирда ушбу жиноят иши бўйича дастлабки тергов ҳаракатлари олиб борилмоқда.
Изоҳ (0)