Сирдарёда тез тиббий хизмат ходимига тажовуз қилинди, деб хабар бермоқда ЎзА.
Маълум бўлишича, Гулистон шаҳрининг 1-мавзеси С.Алимов кўчасида жойлашган хонадон соҳиби (исм-шарифи шартли равишда кўрсатилмади) фарзандининг тоби йўқлиги боис 23 декабрь куни соат 15:40 да шошилинч ва тез тиббий ёрдам хизматига қўнғироқ қилиб, ёрдам сўраб мурожаат қилган.
Чақирилган манзилга етиб келган тез ёрдам ходимлари соат 15:45 да белгиланган тартибда бемор болани кўздан кечирган.
Бироқ маст ҳолда бўлган ота хизмат вазифасини бажараётган шифокор Б.К.ни ҳақоратлаб, унга тан жароҳати етказган. Оқибатда шифокорнинг ўзи ёрдамга муҳтожлик сезиб, тиббий экспертиза муассасасига мурожаат қилган.
Изоҳ (0)