Ўзбекистонда 9 942 та умумтаълим мактабининг қарийб 300 тасида ҳожатхоналар таъмирталаб аҳволда. Бу ҳақда Ўзбекистон Сенати Кенгашининг 24 декабрь куни бўлиб ўтган кенгайтирилган йиғилишида халқ таълими вазири ўринбосари Алишер Умаров маълум қилди.
Кенгаш йиғилишида маъруза қилган халқ таълими вазири ўринбосари ҳозирда 1289 та мактабда ҳожатхона йўқ ёки жуда ҳам таъмирталаб аҳволда эканлигини айтиб ўтди. Айнан шу мактабларнинг ўзида санитария-гигения талабларига жавоб бермайдиган ошхоналар ҳам мавжуд.
Мавзуга доир: Ўзбекистонда 2 мингта мактаб ичимлик суви билан таъминланмаган, 300 дан ортиқ боғча ўтинда овқат тайёрлайди
Шунингдек, вазирлик 2 990 та мактлабда ошхона қуриш ва уларни жиҳозлаш бўйича маблағлари аниқ кўрсатилган дастур қабул қилиш таклиф этмоқда. Умаровнинг таъкидлашича, Ўзбекистон Ошпазлар уюшмаси кўмагида мактаблардаги ошпазлар ва ёрамчиларига малакали мутахассисларни жалб этиб, уларнинг маҳоратини ошириш ҳам кўзда тутилган.
Сенаторлар берган маълумотга кўра, мактабларнинг 2 990 тасида ошхона таъмирталаб ҳолатда ёки умуман мавжуд эмас. Мазкур ҳолат асосан Самарқанд (714 та), Фарғона (386 та), Қашқадарё (370 та) вилоятлари ва Қорақалпоғистонда (261 та) кузатилмоқда.
Мактабларда технологик жараён ва санитария гигиена талабларига мос равишда овқат тайёрлаш учун жиҳозлар етишмайди. Ошхоналардаги мавжуд технологик жиҳозларнинг 60 фоизи яроқсиз ҳолда.
Мактаб ошхона ва буфетларида ишлаётган аксарият ошпаз ва унинг ёрдамчилари мутахассислик бўйича махсус малакага эга эмас. Хусусан, Бухоро вилоятида мактаб ошпазларининг қарийб 70 фоизи ва Тошкент вилоятида 56 фоизи махсус касбий маълумотга эга эмас.
Изоҳ (0)