Англия Лига Кубогининг чорак финалидан ўрин олган баҳслар 18 декабрь, чоршанба куни давом эттирилди.
«Манчестер Сити» сафарда «Оксфорд Юнайтед» билан баҳс юритди. Биринчи бўлим ўрталарида Жоау Канселу манкунианликларни олдинга олиб чиқди. Иккинчи бўлимнинг дастлабки дақиқасида Мэтти Тэйлор мувозанатни тиклашга эришди. Бироқ орадан тўрт дақиқа ўтиб Раҳим Стерлинг яна меҳмонларни олдинга олиб чиқди. 70-дақиқада Стерлинг дубль қайд этган ҳолда якуний ҳисобни ўрнатди.
Яна бир Манчестер вакили «Манчестер Юнайтед» ўз майдонида «Колчестер»ни қабул қилди ва йирик ҳисобдаги ғалабага эришди. Маркус Рэшфорд 51-дақиқада ўз ҳисобига гол ёздириб қўйган бўлса, орадан кўп ўтмай меҳмонлар вакили ўз дарвозасини ишғол қилиб қўйди. 61-дақиқада Антони Марсьяль ҳисобни йирик кўринишга олиб келди.
«Эвертон» ва «Лестер» жамоалари ўртасидаги учрашувнинг асосий вақтида дуранг натижа қайд этилди. Пенальтилар сериясида омад «тулкилар»га кулиб боқди.
Шу тариқа ғолиб жамоалар Лига Кубоги ярим финалига йўл олди. Аввалроқ «Астон Вилла» «Ливерпуль»ни мағлуб этган ҳолда (5:0) илк ярим финалчига айланганди.
Англия Лига Кубоги
¼ финал баҳслари
18 декабрь, чоршанба
«Оксфорд Юнайтед» — «Манчестер Сити» 1:3
Голлар: 0:1 — 22 Жоау Канселу, 1:1 — 46 Тэйлор, 1:2 — 50 Стерлинг, 1:3 — 70 Стерлинг.«Эвертон» — «Лестер» 2:2 (пенальтилар серияси — 2:4)
Голлар: 0:1 — 26 Мэддисон, 0:2 — 29 Эванс, 1:2 — 70 Дэвис, 2:2 — 90+2 Бейнс.«Манчестер Юнайтед» — «Колчестер» 3:0
Голлар: 1:0 — 51 Рэшфорд, 2:0 — 56, автогол Жексон, 3:0 — 61 МарсьяльЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)