Тошкентда юк машинасининг кузови кўприкка урилиб тушиб қолди

Тошкентнинг Чилонзор туманида юк машинаси иштирокида ноодатий ЙТҲ содир бўлди.

Тошкент шаҳар ИИББ матбуот хизматининг хабарига кўра, воқеа 14 декабрь куни соат 7:30 да Чилонзор туманидаги Гавҳар кўчасида содир бўлган

Маълум бўлишича, 61 ёшли ҳайдовчи Б.А. Hohan юк машинасини борт кузови кўтарилган ҳолда ҳайдаб кетаётгани сабабли у бетон кўприкка урилган. Оқибатда юк машинасининг борти чиқиб кетиб, вертикал ҳолда туриб қолган.

Юз берган ЙТҲга ҳайдовчининг борт кузовини охиригача туширмагани сабаб бўлган. Ҳодиса оқибатида жароҳатланганлар йўқ.