«Қамчиқ» довонида 10—11 декабрь кунлари «Табиий ва техноген тусдаги фавқулодда вазиятларни бартараф этишда Тошкент ва Наманган вилоятлари Фавқулодда вазиятларда уларнинг олдини олиш ва ҳаракат қилиш давлат тизими (ФВДТ)га кирувчи хизматлар ҳамда бошқарув органларининг куч ва воситаларининг ҳаракати» мавзусида қўмондонлик-штаб ўқув машқи ўтказилди.
ФВВ матбуот хизматининг маълум қилишича, унда Наманган ва Тошкент вилоятлари Фавқулодда вазиятларда уларнинг олдини олиш ва ҳаракат қилиш давлат қуйи тизими (ФВДҚТ)га кирувчи куч ва воситалари жалб этилди.
Ўқув машқи ФВДТга кирувчи бошқарув органли ва кучларини «Фавқулодда вазиятлар» режимига ўтказиш ҳамда авария-қутқарув ишларини олиб боришни ўз ичига олган бир неча босқичларда ўтказилган.
Шунингдек, ўқув машқи доирасида бир қатор ўқув нуқталарида махсус тактик машқлари ўтказилди. Уларда қидирув-қутқарув ишларини ташкил этиш, вайроналар остидан ва йўл транспорт ҳодисасига учраган автомобиллардан жабрланганларни қутқариш, биринчи тиббий ёрдам кўрсатиш, аҳолини хавфсиз ҳудудларга эвакуация қилиш тадбирлари амалда синаб кўрилган
Шунингдек, «Ангрен-Поп» йўлналишида ҳаракатланувчи темир йўлда юзага келиши мумкин бўлган фавқулодда вазиятларнинг оқибатларини бартараф этиш бўйича амалий машқ ҳам ташкил этилган.
Изоҳ (0)