Toshkentda yuk mashinasining kuzovi ko‘prikka urilib tushib qoldi

Toshkentning Chilonzor tumanida yuk mashinasi ishtirokida noodatiy YTH sodir bo‘ldi.

Toshkent shahar IIBB matbuot xizmatining xabariga ko‘ra, voqea 14-dekabr kuni soat 7:30 da Chilonzor tumanidagi Gavhar ko‘chasida sodir bo‘lgan

Ma’lum bo‘lishicha, 61 yoshli haydovchi B.A. Hohan yuk mashinasini bort kuzovi ko‘tarilgan holda haydab ketayotgani sababli u beton ko‘prikka urilgan. Oqibatda yuk mashinasining borti chiqib ketib, vertikal holda turib qolgan.

Yuz bergan YTHga haydovchining bort kuzovini oxirigacha tushirmagani sabab bo‘lgan. Hodisa oqibatida jarohatlanganlar yo‘q.