Тошкент вилояти «Чинор» ЙПХ масканида катта миқдордаги пиротехника маҳсулотларини ушланди. Бу ҳақда Тошкент вилояти ИИББ ЙҲХБ ахборот хизмати «Дарё» га хабар берди.

Фото: Тошкент вилояти ИИББ ЙҲХБ ахборот хизмати

Тошкент вилояти ИИББ Йўл ҳаракати хавфсизлиги бошқармаси ва патрул-пост хизмати ходимлари томонидан, жорий йил 6 декабрь куни Оҳангарон туманида жойлашган йўл ҳаракати хавфсизлиги бошқармасига қарашли «Чинор» ЙПХ масканида ўтказилган тезкор тадбир натижасида Ўзбекистон Республикасида тақиқланган, жами 12 минг 50 қути ёки 732 минг дона ноқонуний пиротехника воситалари ва турли ҳажмдаги 556 дона салютлар аниқланиб ушланди. Уларнинг тахминий баҳоси 100 миллион сўмга тенг.

Фото: Тошкент вилояти ИИББ ЙҲХБ ахборот хизмати

Хусусан, «Ўш-Тошкент» йўналиши бўйлаб ҳаракатланиб келаётган Hyundai русумли юк автомашинасининг юкхонасида ҳеч қандай ҳужжатларсиз жами 5 минг қути ёки 300 минг дона «Микки Маус» номли тахминий баҳоси 40 миллион сўмлик пиротехника воситаси ҳамда 21 дона телевизор, 5 литрли 20 дона полиэтилен идишларда суюқлик моддаси, 3 дона полиэтилен қопларда номаълум кукунлар борлиги аниқланган.

Фото: Тошкент вилояти ИИББ ЙҲХБ ахборот хизмати

Фото: Тошкент вилояти ИИББ ЙҲХБ ахборот хизмати

Шу куни маскан орқали ўтаётган Тошкент шаҳар Олмазор туманида яшовчи 1983 йилда туғилган М.Шукуров бошқарувидаги Cobalt русумли автомашинанинг юкхонасида ҳам Тошкент шаҳри Шайхонтоҳур туманида яшовчи 1985 йилда туғилган Д.Хасановга тегишли бўлган жами 144 блок турли ҳажмдаги салютлар ҳамда жами 48 блок «Британик» номли тахминий баҳоси 13 миллион 948 минг сўм бўлган пиротехника воситалари борлиги аниқланган.

Юқорида келтириб ўтилган ҳолатлар юзасидан ИИББ томонидан қўшимча суриштирув ҳаракатлари олиб борилмоқда.