Time журнали «Йил одами» мукофотига номзодларнинг қисқа рўйхатини тақдим этди. Ўн нафар номзоднинг исми NBC News телеканалининг Today дастурида эълон қилинди.
Рўйхатда сиёсатчилардан АҚШ Конгресси Вакиллар палатаси спикери Ненси Пелоси, АҚШ президенти Дональд Трамп, Хитой раиси Си Цзиньпин ҳамда Янги Зеландия бош вазири Жасинда Ардер ўрин олди.
Шунингдек, рўйхатда Facebook асосчиси Марк Цукерберг, америкалик футболчи Меган Рапино, Трампга нисбатан импичмент жараёнининг бошланишига сабаб бўлган МРБнинг махфий ходими, Трампнинг шахсий адвокати Рудолф Жулиани, 16 ёшли экофаол Грета Тунберг ва Гонконгдаги норозилик намойиши иштирокчилари ҳам бор.
Россия президенти Владимир Путин қисқа рўйхатдан ўрин олмаган. Шунга қарамай у Time журнали ўқувчилари иштирок этаётган 57 номзодлардан иборат рўйхатда бор. 9 декабрь ҳолатига кўра Гонконгдаги норозилик намойишчилари олдинда кетмоқда.
Time версияси бўйича «Йил одами» 11 декабрь куни эълон қилинади.
Мавзуга доир: Time журнали вакили: Трампнинг «Йил одами» борасидаги сўзларида бир томчи ҳам ҳақиқат йўқ
Изоҳ (0)