«Дарё»да эълон қилинган «Сув йўқ, газ йўқ. Электр чойнакдаги чой 45 дақиқада қайнайди» сарлавҳали мақолага Қарши туман ҳокимлиги муносабат билдирди.
Унда ёзилишича, муаммо ишчи гуруҳ томонидан ўрганилган.
Мавзуга доир: «МИБ идорасида бор ток нега бизнинг уйда йўқ?». Аҳоли электр узилишларидан чарчаганини айтмоқда
Қарши тумани «Боғобод» қишлоқ фуқаролар йиғини Узуннаво қишлоғи Узуннаво кўчасида ер-участка бўйича мутахассис А.Эргашевнинг ўтказган хатлов натижасига асосан, ер-участкалар сони 138 тани ташкил этди. Шулардан 105 тасида уй-жой қуриб битказилган.
Қолган ер-участкалар тугалланмаган. Бўш ерлар туман ҳокимининг қарори билан берилган. Қолганларига Вазирлар Маҳкамасининг кўчмас мулкка нисбатан мулк ҳуқуқини этироф этиш бўйича бир марталик умумдавлат акция доирасида қарор чиқарилган ва ҳужжатлаштирилмоқда.
Мақолада кўзда тутилган ҳудуд якка тартибдаги янгидан барпо этилган аҳоли яшаш уйлари бўлиб, тегишли қарор талабларига мувофиқ зарур муҳандислик коммуникациялар билан қандай таъминланиши белгиланган. Мурожаатчиларнинг муаммоларига туман ҳокимлиги ёрдам берадиган бўлди.
Туман электр тармоқлари корхонаси раҳбари О.Олимовнинг сўзларига кўра, қишлоқ фуқароларининг электр таъминотини (ўзбошимчалик билан ўрнатиб олинган) яхшилаш 2020 йилга режалаштирилган ва давлат дастурига киритилган.
— Туманга берилаётган газ ва сув таъминоти Қарши шаҳар ҳисобида эканлигини таъкидлаб ўтамиз, — дея якунланади ҳокимлик ахбороти.
Изоҳ (0)