“Daryo”da e’lon qilingan “Suv yo‘q, gaz yo‘q. Elektr choynakdagi choy 45 daqiqada qaynaydi” sarlavhali maqolaga Qarshi tuman hokimligi munosabat bildirdi.
Unda yozilishicha, muammo ishchi guruh tomonidan o‘rganilgan.
Mavzuga doir: “MIB idorasida bor tok nega bizning uyda yo‘q?”. Aholi elektr uzilishlaridan charchaganini aytmoqda
Qarshi tumani “Bog‘obod” qishloq fuqarolar yig‘ini Uzunnavo qishlog‘i Uzunnavo ko‘chasida yer-uchastka bo‘yicha mutaxassis A.Ergashevning o‘tkazgan xatlov natijasiga asosan, yer-uchastkalar soni 138 tani tashkil etdi. Shulardan 105 tasida uy-joy qurib bitkazilgan.
Qolgan yer-uchastkalar tugallanmagan. Bo‘sh yerlar tuman hokimining qarori bilan berilgan. Qolganlariga Vazirlar Mahkamasining ko‘chmas mulkka nisbatan mulk huquqini etirof etish bo‘yicha bir martalik umumdavlat aksiya doirasida qaror chiqarilgan va hujjatlashtirilmoqda.
Maqolada ko‘zda tutilgan hudud yakka tartibdagi yangidan barpo etilgan aholi yashash uylari bo‘lib, tegishli qaror talablariga muvofiq zarur muhandislik kommunikatsiyalar bilan qanday ta’minlanishi belgilangan. Murojaatchilarning muammolariga tuman hokimligi yordam beradigan bo‘ldi.
Tuman elektr tarmoqlari korxonasi rahbari O.Olimovning so‘zlariga ko‘ra, qishloq fuqarolarining elektr ta’minotini (o‘zboshimchalik bilan o‘rnatib olingan) yaxshilash 2020-yilga rejalashtirilgan va davlat dasturiga kiritilgan.
— Tumanga berilayotgan gaz va suv ta’minoti Qarshi shahar hisobida ekanligini ta’kidlab o‘tamiz, — deya yakunlanadi hokimlik axboroti.
Izoh (0)