Фото: Катта сиёсатга қайтган Зоир Мирзаевни Сенатда қандай кутиб олишди?
Тошкентда 30 ноябрь куни Ўзбекистон Сенатининг 24-ялпи мажлиси бўлиб ўтди. Унда 17 та масала, хусусан, 2020 йилги Давлат бюджети тўғрисидаги қонун муҳокама қилинди. Сенат мажлисида 26 октябрь куни Қашқадарё вилояти ҳокими вазифасини бажарувчи этиб тайинланган Зоир Мирзаев ҳам қатнашди.
Қайд этиш жоиз, бу Мирзаевнинг 2018 йил кузида бош вазир ўринбосари лавозимидан озод этилиб, «жазо тариқасида» Жиззахдаги Шароф Рашидов туманига ҳоким қилиб «тушириб юборилгани»дан кейин илк бор Сенат ялпи мажлисида қатнашиши. Ўшанда Мирзаевнинг «катта сиёсат»дан маълум муддат четлатилишига Тошкент вилоятининг Оққўрғон туманида олти кишини муздек сув тўла ариққа тушириб қўйгани сабаб бўлганди.
30 ноябрдаги эски қадрдонлар ва ҳокимлик рутбасидаги янги ҳамкасблар билан учрашув кўнгилли ўтди. Ҳар ҳолда, суратларга муҳрланган табассумлар шундан дарак бермоқда. Зоир Мирзаев ялпи мажлис давомида Тошкент вилояти ҳокими вазифасини бажарувчи Рустам Холматов билан ёнма-ён ўтирди — ҳозирча Ўзбекистонда фақат улар ўзлари раҳбарлик қилаётган вилоятларнинг муваққат ҳокимлари саналади.
Зоир Мирзаев Сенат йўлагидан халқ таълими вазири Шерзод Шерматов билан суҳбатлашмоқда.Фото: Мадина Нурман / «Дарё»
Изоҳ (0)