Бугун,

  • USD 11014.01
  • RUB 191.8
  • EUR 10674.78

Akfa Medline тиббиёт маркази 6 нафар туғма юрак хасталиги билан оғриган кичик беморларни Жанубий Кореяда шифо топишларига ёрдам берди.Мана қарийб 2 йилдирки, Akfa Medline тиббиёт маркази шифоланишга эҳтиёжманд бўлган, кам таъминланган оилаларнинг бемор фарзандларига хайрия тарзида ёрдам қўлини чўзиб келмоқда.

Шу йилнинг август ойида Akfa Medline клиникаси ҳамда жанубий Кореянинг госпитали билан биргаликда «Сен яшайсан!» хайрия акциясини уюштиришди. Бунинг натижасида оғир юрак етишмовчилиги билан туғилган 6 нафар болакай Жанубий Кореяга жўнатилди.

Akfa Medline ҳамда Жанубий Кореянинг тажрибали шифокорлари ҳамкорлигида амалга оширилган мураккаб операциядан муваффақиятли чиққан болажонлар 26 ноябрда Ватанимизга соғ-саломат қайтиб келишди.

Шуни таъкидлаш жоизки, госпиталнинг докторлари болакайларга текин тиббий хизмат кўрсатишди. Мураккаб кардиожарроҳлик амалиётида иштирок этган Akfa Medline клиникасининг ёш кардиожарроҳлари шу тажрибаларга асосланиб, энди ўз Ватанимизда туғма юрак хасталиги билан оғриган болакайларни мувафаққиятли операция қилиш ва уларга, оилаларига қувонч бағишлаш имкониятига эга бўлдилар.

Akfa Medline тиббиёт маркази раҳбари Камола Мирзаалиева бошчилигидаги гуруҳ шифо топиб келаётган болакайларни ва уларнинг ота-оналарини Тошкент Халқаро аэропортида гуллар, совғалар ва самимий тилаклар билан кутиб олишдики, бу даволаниб, ҳаётга қайтган болажонлар шодлигини икки ҳиссага кўпайтирди.

«Сен яшайсан!» хайрия акцияси 6 нафар болажоннинг дарддан халос бўлишига кўмак берди. Шу хайрия акцияси сабаб жажжи беморларга иккинчи умрни ҳадя қилган Akfa Medline клиникасига нафақат шу болажонлар, балки минглаб бемор болакайларга соғайиш ва яшашга умид бағишлаш бахти насиб этди.

Реклама ҳуқуқи асосида.

Изоҳ
Асосий янгиликлар