Ўзбекистон Республикаси Президентининг 2019 йил 23 майдагиПҚ-4335-сон «Қурилиш материаллари саноатини жадал ривожлантиришга оид қўшимча чора-тадбирлар тўғрисида»ги қарори қабул қилиниши билан маҳаллий ва хорижий инвесторларга республикамизда импорт ўрнини босувчи ва экспортбоп қурилиш материалларини ишлаб чиқариш йўналишларидаги истиқболли лойиҳаларни амалга ошириш бўйича янада қулай шарт-шароитлар яратилди. Хусусан, лойиҳаларни амалга оширишда 2019 йил 1 июлдан бошлаб қуйидаги имтиёзлар берилди:
1) маҳаллий қурилиш материаллари ишлаб чиқарувчиларнинг экспорт қилинаётган маҳсулотларини сертификатлаштириш бўйича харажатлари «Ўзстандарт» агентлигининг асослантирилган ҳисоб-китобларига мувофиқ Ўзбекистон Республикаси Инвестициялар ва ташқи савдо вазирлигининг Экспортни ривожлантириш агентлиги томонидан қопланади;
2) тадбиркорлик субъектларининг солиққа тортиш базаси беш йил давомида тенг улушларда норуда фойдали қазилма бойликлари конларини ўзлаштириш учун зарур бўладиган муҳандислик-коммуникация ва транспорт инфратузилмасини қуриш харажатлари миқдорига, бироқ Ўзбекистон Республикаси Энергетика вазирлиги ва Транспорт вазирлиги томонидан белгиланадиган нормативларга мувофиқ ҳисобланадиган суммадан ортиқ бўлмаган миқдорга камайтирилади;
3) тегишли синовлардан ўтган ва белгиланган тартибда мувофиқлик сертификати берилган қурилиш материаллари қурилиш ишларида қўлланилиши мумкин;
4) техноген минерал ҳосилаларнинг тури ёки кўриниши, уларнинг миқдор ва сифат кўрсаткичлари ҳамда уларни сақлашнинг кон-техникавий шарт-шароитларини тавсифловчи маълумотлар тадбиркорлик субъектларига уларнинг сўровига асосан бепул тақдим этилади;
5) Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси маблағлари ҳисобидан лойиҳа ташаббускорининг танловига асосан кредит фоизининг бир қисми қопланади ёки кредит учун гаров таъминотига 8 млрд. сўмгача кафиллик берилади. Жумладан:
кредит суммасидан қатъий назар қурилиш материаллари саноати соҳасида инвестиция лойиҳаларини амалга ошириш учун 2022 йил 1 июлга қадар жалб қилинадиган тижорат банкларининг миллий валютадаги кредитлари бўйича фоиз харажатлари Ўзбекистон Республикаси Марказий банкининг қайта молиялаштириш ставкасидан ошган миқдорида, бироқ 10 фоизлик пунктдан ошмаган миқдорда, шунингдек, хорижий валютадаги кредитлари бўйича фоиз харажатлари тижорат банклари томонидан белгиланган ставканинг 40 фоизи миқдорида, бироқ 4 фоизлик пунктдан ошмаган миқдорда қопланади.
* Изоҳ: - Ўзбекистон Республикаси Вазирлар Маҳкамасининг 2019 йил 8 сентябрдаги 704-сонли қарори билан тасдиқланган Низомнинг 36-бандига мувофиқ миллий валютада қайта молиялаштириш ставкасининг (бугунги кунда 16%) 1,5 баробаридан ошмайдиган (24) фоиз ставкасида кредитлар ажратадиган тижорат банклари жамғарманинг компенсацияларини олувчилар ҳисобланадилар.Агар ушбу лойиҳалар ташаббускорларида кредит учун гаров таъминотида етишмовчилик бўлса, улар юқорида кўрсатилган кредит фоизини қоплаб бериш бўйича имтиёзнинг ўрнига тижорат банкларининг кредитлари бўйича кредит суммасининг 50 фоизигача, бироқ 8 млрд. сўмдан ошмаган миқдорда Тадбиркорлик фаолиятини ривожлантиришни қўллаб-қувватлаш давлат жамғармасининг кафиллигини олишлари мумкин.
Қарорга мувофиқ лойиҳалар импорт орқали келтириладиган асбоб-ускуналар, хом ашё, материаллар ва бутловчи қисмлар сотиб олиш учун, бироқ лойиҳа қийматининг 70 фоизидан ошмаган миқдорда тижорат банклари томонидан жалб қилинган хорижий кредит линиялари ҳисобидан молиялаштирилади.
Кредит фоиз ставкаси жалб қилинган хорижий кредит линияси нархидан келиб чиққан ҳолда белгиланади.
Хорижий молия институтлари ва банкларнинг узоқ муддатли имтиёзли кредитлари орқали 2019-2021 йилларда қурилиш материаллари саноати соҳасида амалга ошириладиган истиқболли лойиҳаларнинг йўналишлари:
давлат ҳокимияти ва бошқаруви органларида уюшма аъзолари манфаатларини ифода этиш ва ҳимоя қилишни таъминлаш;Шу билан бирга, «Ўзсаноатқурилишматериллари» уюшмасига аъзо бўлган қурилиш материаллари ишлаб чиқарувчи корхоналарга қуйидаги хизматларни кўрсатади:
юқори қўшилган қийматли қурилиш маҳсулотларини ишлаб чиқариш, корхоналарни модернизация қилиш, техник ва технологик қайта жиҳозлаш, шунингдек, ихтисослашган етакчи хорижий компаниялар билан қўшма ишлаб чиқаришларни ташкил этиш бўйича юқори технологияли ишлаб чиқаришларни ўзлаштириш учун инвестициялар, биринчи навбатда, тўғридан-тўғри хорижий инвестиция ва кредитларларни кенг жалб этиш;
талаб этилаётган сифатли маҳсулот ишлаб чиқариш турларини кенгайтириш, ички бозорни импорт ўрнини босувчи ва рақобатбардош қурилиш материаллари ҳамда маҳаллий ишлаб чиқарилган буюмлар билан тўлдириш, шунингдек, тармоқнинг экспорт салоҳиятини ошириш бўйичауюшма аъзолари фаолиятини қўллаб-қувватлаш;
ҳудудларнинг салоҳиятини янада ривожлантириш истиқболларидан, хом ашё базаси, инфратузилмалар, меҳнат ва бошқа ресурслар ҳамда бозорларнинг мавжудлигидан келиб чиққан ҳолда корхоналарни жойлаштиришга кўмаклашиш.
Шунингдек, «Ўзсаноатқурилишматериаллари» уюшмаси ва унинг қошидаги ихтисослашган корхоналар билан биргаликда:
- ташқи ва ички бозорни ўрганган ҳолда ишлаб чиқарилаётган товарларни сотишда зарур бўлган таҳлилий ахборотлар билан таъминлаш;
- ишлаб чиқарилаётган маҳсулотларнинг ички ва ташқи бозорларда сотилишини таъминлаш учун республикада ва хорижда қурилиш материалларининг кўргазмаларини ташкил этиш;
- тадбиркорларнинг буюртмаларига кўра мавжуд норуда қазилма бойликлари тўғрисида ахборот бериш, геология-қидирув ишларига ҳамда саноат усулида фойдаланишга лицензия олиш учун меъёрий-техник ҳужжатлар тўпламини тайёрлаш, истиқболли майдонларда геология-қидирув ишларини олиб бориш;
- лойиҳаларнинг смета ҳужжатларини ишлаб чиқиш, техник иқтисодий асосланмаларни тайёрлаш бўйича хизматлар кўрсатади ва кўмаклашади.
Сизда қайд этиб ўтилган қурилиш материаллари ишлаб чиқаришни ташкил этиш бўйича аниқ режаларингиз бўлса, бизга мурожаат қилинг!
«Ўзсаноатқурилишматериллари» уюшмасининг телефон рақамлари:
+998 90 394 59 99, +998 98 307 02 24,+998 97 444 27 72; +998 98 310 48 69. (инвестиция лойиҳалари бўйича);
+ 998 71 281 46 59 (экспорт ва импорт масалалари бўйича);
+ 998 71 254 92 00, 71 254 92 01 (лойиҳавий-смета ҳужжатлари, техникавий-иқтисодий асосланмалар ишлаб чиқиш масалалари бўйича)
+ 998 71 255 52 91, 71 255 55 95 (ишлаб чиқариш масалалари бўйича)
+ 998 71 255 55 92 (норуда конларидан фойдаланиш масалалари бўйича)
Манзил:
Тошкент шаҳри, Тафаккур кўчаси, 68а-уй.
Электрон почта: info@uzsm.uz, расмий веб-сайт www.uzsm.uz
«Ўзсаноатқурилишматериаллари» уюшмаси Сизнинг доимий ва ишончли ҳамкорингиздир!
Реклама ҳуқуқи асосида.
Изоҳ (0)