Akfa Medline tibbiyot markazi 6 nafar tug‘ma yurak xastaligi bilan og‘rigan kichik bemorlarni Janubiy Koreyada shifo topishlariga yordam berdi.Mana qariyb 2 yildirki, Akfa Medline tibbiyot markazi shifolanishga ehtiyojmand bo‘lgan, kam ta’minlangan oilalarning bemor farzandlariga xayriya tarzida yordam qo‘lini cho‘zib kelmoqda.
Shu yilning avgust oyida Akfa Medline klinikasi hamda janubiy Koreyaning gospitali bilan birgalikda “Sen yashaysan!” xayriya aksiyasini uyushtirishdi. Buning natijasida og‘ir yurak yetishmovchiligi bilan tug‘ilgan 6 nafar bolakay Janubiy Koreyaga jo‘natildi.
Akfa Medline hamda Janubiy Koreyaning tajribali shifokorlari hamkorligida amalga oshirilgan murakkab operatsiyadan muvaffaqiyatli chiqqan bolajonlar 26-noyabrda Vatanimizga sog‘-salomat qaytib kelishdi.
Shuni ta’kidlash joizki, gospitalning doktorlari bolakaylarga tekin tibbiy xizmat ko‘rsatishdi. Murakkab kardiojarrohlik amaliyotida ishtirok etgan Akfa Medline klinikasining yosh kardiojarrohlari shu tajribalarga asoslanib, endi o‘z Vatanimizda tug‘ma yurak xastaligi bilan og‘rigan bolakaylarni muvafaqqiyatli operatsiya qilish va ularga, oilalariga quvonch bag‘ishlash imkoniyatiga ega bo‘ldilar.
Akfa Medline tibbiyot markazi rahbari Kamola Mirzaaliyeva boshchiligidagi guruh shifo topib kelayotgan bolakaylarni va ularning ota-onalarini Toshkent Xalqaro aeroportida gullar, sovg‘alar va samimiy tilaklar bilan kutib olishdiki, bu davolanib, hayotga qaytgan bolajonlar shodligini ikki hissaga ko‘paytirdi.
“Sen yashaysan!” xayriya aksiyasi 6 nafar bolajonning darddan xalos bo‘lishiga ko‘mak berdi. Shu xayriya aksiyasi sabab jajji bemorlarga ikkinchi umrni hadya qilgan Akfa Medline klinikasiga nafaqat shu bolajonlar, balki minglab bemor bolakaylarga sog‘ayish va yashashga umid bag‘ishlash baxti nasib etdi.
Reklama huquqi asosida.
Izoh (0)