Акциядорлик-тижорат «Қишлоқ қурилиш банк» ўз фаолиятида очиқлик ва шаффофликни таъминлаш, аҳолига кенгроқ маълумот етказиш мақсадида оммавий ахборот воситалари билан тизимли ҳамкорликни амалга оширмоқда. Яқинда банк томонидан журналистлар учун Бухоро вилоятига пресс-тур ташкил қилинди. Унда республикамиздаги энг етакчи оммавий ахборот воситалари вакиллари иштирок этишди.
Вилоятда айни вақтда «Қишлоқ қурилиш банк»нинг Бухоро минтақавий филиали, Когон ва Галаосиё филиаллари, Когон, Қоракўл, Жондор, Шофиркон, Ғиждувон минибанклари фаолият кўрсатмоқда. Улар орқали 74214 нафар мижозга хизматлар кўрсатилмоқда.
Журналистлар учун Бухоро минтақавий филиалида ташкил қилинган тақдимот тадбирида банк тузилмалари эришаётган иқтисодий кўрсаткичлар ҳақида маълумот берилди. Унда хизматлар кўлами ва банк мижозлари сони муттасил кенгайиб бораётгани қайд этилди.
Пресс-тур иштирокчилари Бухоро вилоятида банк молиявий кўмагида амалга оширилаётган инвестицион лойиҳалар билан танишдилар. Хусусан, «Қоровулбозор нур обод» МЧЖ томонидан Қоровулбозор туманида 9 гектар ҳудудда барпо этилган замонавий иссиқхонага, «Когон меҳнат роҳат» ХК томонидан қурилган истироҳат боғи ва кўнгилочар ҳордиқ чиқариш мажмуасига, «Бурда Люкс Текстиль» ХКнинг текстиль маҳсулотлари ишлаб чиқариш цехига, «City Med Buxoro» МЧЖ ташкил қилган тиббий-диагностика ва даволаш марказига, «Buxoro Komfort Plast» МЧЖда пластик қувурлар ва пластик фитинглар ишлаб чиқариш цехига, «Панорама» меҳмонхонасига сафарлар уюштирилди.«Қишлоқ қурилиш банк» молиявий кўмагида татбиқ этилаётган бизнес лойиҳалар журналистларда катта қизиқиш уйғотди.
Лойиҳа ташаббускори бўлган тадбиркорлар банк сармояси ишлаб чиқариш қувватларини ошириш, замонавий технология ва ускуналар сотиб олиш, экспортбоп ва рақобатбардош маҳсулотлар ишлаб чиқариш, аҳолига хизмат кўрсатиш сифатини яхшилаш ва янги иш ўринлари яратилишида муҳим ўрин тутганлигини билдирдилар.
Пресс-тур доирасида банкнинг Галаосиё филиали янги биноси фойдаланишга топширилди. Журналистлар филиалда мижозлар учун яратилган шароитлар ва қулайликлар билан танишдилар ва мижозлар билан суҳбатлашдилар.
Галаосиё филиали биноси замонавий банк технологиялари, хусусан, банкоматлар, инфокиосклар билан жиҳозланган. Мижозларга тезкор ва сифатли хизматлар кўрсатиш учун барча шароитлар яратилган. 24/7 режимида ишлайдиган ўз-ўзига хизмат кўрсатувчи шохобча кеча-ю кундуз узлуксиз фаолият кўрсатмоқда.
АТБ «Қишлоқ қурилиш банк» келгусида ҳам ўз инфратузилмаларини ривожлантириш, ўз фаолиятида очиқликни таъминлаш орқали мижозлар ишончини қозонишга, тадбиркорлар фаолиятини рағбатлантиришга ва аҳоли даромадларини оширишга интилади.
Бундай пресс-турлар республиканинг бошқа ҳудудларига ҳам уюштирилиши режалаштирилган.
«Қишлоқ қурилиш банк» — фаровон ҳаётингиз хизматида!
Мурожаат учун:
Телефон: (+99878) 150-93-39
Веб сайт: www.qqb.uz
Telegram: https://t.me/QQBANK
Facebook: FB.com/official.qqb.uz
Банк ахборот хизмати
Реклама ҳуқуқи асосида.
Изоҳ (0)