АҚШнинг Норвегиядаги элчиси ҳарбий денгиз кучлари вазири лавозимига тайинланди

АҚШ президенти Дональд Трамп истеъфога чиқаётган ҳарбий денгиз кучлари вазири Ричард Спенсер ўрнига Американинг Норвегиядаги фавқулодда ва мухтор элчиси Кеннет Брейтуэйтни лавозимга тайинлади. Бу ҳақда «Интерфакс» хабар берди.

«АҚШнинг Норвегиядаги фавқулодда ва мухтор элчиси, адмирал Кен Брейтуэйтни ҳарбий денгиз кучларининг вазири лавозимига тайинладим. У ҳарбий соҳада кўплаб ютуқ ва муваффақиятга эришган инсон Кеннинг меҳнаткаш одам эканига асло шубҳа қилмайман!», — деб ёзган Дональд Трамп Twitter’даги расмий саҳифасида.

У денгиз пиёдаси Эдвард Галлахер иши бўйича суд жараёнидан норози эканлигини ҳам маълум қилган.

«АҚШ мудофаа вазири Марк Эспер томонидан Ҳарбий денгиз флоти вазири Ричард Спенсернинг раҳбарлик фаолияти тўхтатилишига ушбу ишнинг ҳам алоқаси бор. Ричардга қилган хизматлари ва ватанпарварлиги учун миннатдорлик билдираман. Эдди тинч йўл билан тегишли тартибда тантанали равишда ҳурмат-эҳтиром билан истеъфога чиқади», — деб ёзган Трамп.Аввал Пентагон раҳбари Марк Эспернинг Ҳарбий денгиз кучлари вазири Ричард Спенсернинг истеъфога чиқишини сўрагани хабар қилинганди.