AQSh prezidentining sobiq maslahatchisi Oq uyni o‘z Twitter akkauntini bloklaganlikda aybladi

AQSh prezidentining milliy xavfsizlik masalalari bo‘yicha sobiq maslahatchisi Jon Bolton iste’fo berganidan keyin ikki oy davomida Oq uyning o‘z tvitter akkauntiga kirishiga to‘sqinlik qilganini bildirdi. Bu haqda “Interfaks” xabar berdi.

22-noyabrda Bolton Twitter’da yozgan 4 ta tvitida ijtimoiy tarmoqdagi ikki oylik tanaffusini Oq uyning akkauntini bloklab qo‘ygani bilan bog‘liq ekanini asosladi. Uning so‘zlariga ko‘ra muammo Twitter rahbariyatining amaliy yordami bilan bartaraf qilingan.

“Milliy xavfsizlik masalalari bo‘yicha maslahatchi lavozimidan ketganimdan keyin Oq uy Twitter’dagi shaxsiy sahifamga kirishimni bloklab qo‘ydi. Ular men ijtimoiy tarmoqda gapirishim mumkin bo‘lgan gaplardan qo‘rqqan bo‘lishi mumkin. Meni yashirinib oldi deganlar endi hayron qolgan bo‘lsa kerak!” – deb yozgan Bolton.

AQSh prezidentining sobiq maslahatchisi Oq uyning Twitter’dagi akkauntiga kirishni ochmaganini ta’kidlab Twitter rahbariyatiga o‘z sahifasiga kirish qayta ta’minlangani uchun minnatdorlik bildirdi.

AQSh prezidenti Donald Tramp Boltonni joriy yilning sentabr oyida egallab turgan lavozimidan ozod qilgan. Tramp ushbu qarorini tashqi siyosatdagi ko‘plab masalalarda qarama-qarshiliklar mavjud ekani bilan izohladi. Boltonning o‘zi Donald Tramp bilan suhbatdan so‘ng o‘z ixtiyori bilan iste’fo berganini ma’lum qilgan.

OAV Tramp hamda Bolton o‘rtasidagi kelishmovchilikka Eronga nisbatan qo‘llanilgan sanksiyalar pozitsiyasi sabab bo‘lgani haqida yozgan. Bloomberg agentligining yozishicha, 9-sentabrda Oq uyda o‘tkazilgan uchrashuvda Tramp Eronga qarshi qo‘llangan sanksiyalarni yumshatish haqida gapirgan, 10-sentabrda “antieronchi” bo‘lgan Bolton ishdan haydalgan.Keyinchalik Trampning o‘zi Boltonning Shimoliy Koreya, Venesuela va Iroq bilan tashqi siyosatda bir nechta qo‘pol xatoga yo‘l qo‘yganini ma’lum qilgan.