Сурхондарёда хизмат вазифаси юзасидан келган МИБ ходимига тан жароҳати етказилди, деб хабар бермоқда Бош прокуратура матбуот хизмати.
Маълум бўлишича, воқеа вилоятнинг Бойсун тумани «Пасурхи» маҳалласида 12 ноябрь куни, соат 14:30 ларда содир бўлган. 38 ёшли У.А. яшаш хонадонига хизмат вазифаси юзасидан келган МИБ туман бўлими ходими И.П.га тан жароҳати етказиб, қонуний фаолиятига қаршилик кўрсатган.
Мазкур ҳолат юзасидан 21 ноябрда Бойсун тумани прокуратураси томонидан У.А.га нисбатан Жиноят кодексининг 219-моддаси 1-қисми (Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилиб, тергов ҳаракатлари олиб борилмоқда.
Ушбу моддада энг кам ойлик иш ҳақининг 50 бараваригача миқдорда жарима ёки 360 соатгача мажбурий жамоат ишлари ёхуд 3 йилгача ахлоқ тузатиш ишлари ёки 1 йилгача озодликни чеклаш ёки 1 йилгача озодликдан маҳрум қилиш жазоси белгиланган.
Мавзуга доир: Андижонда аёл МИБ ходимини хода билан калтаклади
Изоҳ (0)