Жиззах вилоятида Epica ва «Камаз» иштирокида юз берган мудҳиш ЙТҲда 4 киши ҳалок бўлди. ИИВ ҳузуридаги Тергов департаментининг хабар беришича, воқеа 23 ноябрь куни соат тахминан 03:00 ларда юз берган.
22 ёшли Р.Н. 4 нафар йўловчиси бўлган Epica автомашинасини Жиззах вилояти Шароф Рашидов тумани ҳудудидан ўтган Тошкент—Термиз М-39 йўлининг 977-километрида Термиз йўналиши бўйича бошқариб кетаётиб, шу йўналишда олдинда ҳаракатланиб кетаётган 43 ёшли Й.П. бошқарувидаги «Камаз» юк машинасининг орқа қисмига урилган.
Оқибатда Epica ҳайдовчиси Р.Н., йўловчилар 58 ёшли Р.Д. ва 26 ёшли Г.А. ҳамда 25—30 ёшдаги эркак (шахси аниқланмоқда) ҳодиса жойида вафот этган. Яна бир йўловчи 26 ёшли М.М. эса турли тан жароҳатлари билан Республика шошилинч тиббий ёрдам маркази Жиззах филиали травматология бўлимига ётқизилган. «Камаз» ҳайдовчиси жароҳат олмаган.Ҳолат юзасидан 23 ноябрь куни Жиззах вилоят ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми «а» банди билан (Одамлар ўлимига олиб келган, транспорт воситалари ҳаракати ёки улардан фойдаланиш хавфсизлиги қоидаларини бузиш) жиноят иши қўзғатилиб, тергов ҳаракатлари олиб борилмоқда.
Мавзуга доир: Мирободда Spark ва Lacetti тўқнашди
Изоҳ (0)