Покистон TAPI Pipeline Company Ltd (TPCL) билан газ нархини туширишни келишиб олмоқчи, деб хабар берди «Хроника Туркменистана».
«Биз ТАПИ газ қувури орқали етказиб бериладиган газ нархини рақобатбардош бўлишини истардик. TPCL билан Покистонга экспорт қилинадиган газ нархини қайта кўриб чиқиш юзасидан музокаралар олиб борилмоқда», — дея таъкидлаган исмини ошкор этмаган Покистон нефть сектори вакилларидан бири.
Хабарларга кўра, Покистон қурилишнинг биринчи босқичини 30 ой ичида амалга оширмоқчи. Ушбу давр мобайнида 5—6 миллиард АҚШ долларига тенг бўлган газ қувури қуриб битказилади. Қурилишнинг иккинчи босиқичида умумий қиймати тахминан 2 миллиард доллар бўлган газкомпресс станциялари қурилади.
Мавзуга доир: Гурбангули Бердимуҳаммедов ТАПИ газ қувури сабаб мамлакат бош вазири ўринбосарига қаттиқ ҳайфсан берди
Айни вақтда Туркманистон ҳамда Афғонистон ҳудудларида ТАПИ газ қувурининг қурилиши бошланган. Октябрь бошида Афғонистон иқтисодиёт вазири Мустафо Мастор ТАПИ газ қувури бунёд қилиниши учун 9—12 миллиард доллар кераклигини маълум қилган.
Изоҳ (0)