Исроил бош вазири Бинямин Нетаньяхуга нисбатан учта жиноий иш бўйича айблов эълон қилинди. Бу ҳақда мамлакат адлия вазирлиги баёнотига асосланиб Times of Israil хабар берди.
Исроил бош прокурори Авихай Манделблит Қуддус шаҳридаги адлия вазирлиги биносида қилган чиқишида Нетаньяху порахўрлик, ишончи суиистеъмол қилиш ва фирибгарлик жиноятини содир этганликда гумон қилинаётганини билдирган.
The Jerusalem Post газетасининг ёзишича, Манделблит Кнессетдан Нетаньяхудан иммунитетни олиб ташлашни сўраган ва ушбу жараён 30 кун давом этади. Нашр депутатларда иммунитетни бекор қилиш тезроқ амалга ошиши, аммо Исроил бош вазири жараённи секинлаштириши мумкинлигини қайд этган.
Исроил ОАВлари Манделбит ва унинг жамоаси коррупция бўйича терговлар натижаларини мамлакатда учинчи бор ўтказилиши кутилаётган сайловлардан илгари эълон қилиш учун уларни тезкорлик билан олиб боргани ҳақида маълумот берган.
Агар Нетаньяхунинг порахўрлиги исботланса, у бош вазир лавозимидаги ваколатларини бажара олмайди. Бироқ жиноий жавобгарлик унинг сайловлар вақтида яна ўз номзодини қўйиши ва ўз лавозими учун курашиши мумкин.
4000 деб номланган жиноят иши бўйича Нетаньяху «Безек» телекоммуникация компанияси раҳбари Шаул Еловичга имтиёзлар тақдим этган ва эвазига ташкилот сайтида бош вазир ҳақида ижобий материаллар эълон қилинган. Бу учта жиноий иш орасида энг жиддийси деб баҳоланмоқда.
Мавзуга доир:
2000 жиноий иши бўйича Нетаньяху «Едиот ахронот» газетаси эгаси Арнон Мозес билан тил бириктириб, нашр рақобатчисида чиққан танқидий материалларга жавобан бош вазир ҳақида ижобий мақолалар чоп этишни ташкил қилган.
Исроил бош вазири Бинямин Нетаньяху ушбу айбловлар сиёсий ҳаракат экани ва бундан кўзланган мақсад уни лавозимдан четлатиш эканлигини билдирди.
Мавзуга доир:
Нетаньяху «жодугарларнинг сиёсий ови қурбони» бўлганини қайд этди ва исроилликларни ўзига нисбатан жиноий иш очганларни ҳам терговга жалб қилишга чақирди.
«Ҳуқуқ-тартибот тизимидаги ишларни кўзи ожиз одамгина пайқамаслиги мумкин. Менга нисбатан тергов ишларини бошлаганларнинг ҳаммасига қарши текширув ишлари ўтказилиши керак», — дейди Исроил бош вазири.
Изоҳ (0)