Туркия ташқи ишлар вазири Мавлут Чавушўғлу 18 ноябрда қилган баёнотида Анқаранинг ИШИД етакчиси Абу Бакр ал-Бағдодийнинг йўқ қилинишида муҳим рол ўйнаганини билдирди. Бу ҳақда «ТАСС» хабар берди.
Вазирнинг сўзларига кўра, Туркия қўлга туширган ИШИД вакили Ал-Бағдодийнинг яқин одами бўлган ва у жойлашган манзил ҳақида маълумот берган.
«Биз Ал-Бағдодийга яқин бўлган ИШИД вакилини қўлга туширдик ва уни Ироқ ихтиёрига топширдик. Якунда айнан у Абу Бакр Ал-Бағдодий жойлашган манзил ҳақида ахборот берган», — дея таъкидлаган Туркия ташқи ишлар вазири.
Мавзуга доир:
- ИШИД етакчиси Абу Бакр ал-Бағдодий қандай йўқ қилинди?
- Тортинчоқ бола, аёлларни зўрловчи, биринчи рақамли террорчи. ИШИД етакчиси Абу Бакр ал-Бағдодийнинг ҳаёт йўли
- Бариша қишлоғи аҳолиси Ал-Бағдодийни ипак ва матолар сотувчи савдогар деб ҳисоблаган
- Ал-Бағдодий ўлимидан олдин чўпонлар либосида юрган ва хавфсизлиги ҳақида кўп қайғурган
ИШИД етакчиси Абу Бакр Ал-Бағдодий қандай йўқ қилинди?
Абу Бакр ал-Бағдодий 27 октябрда Суриянинг Идлиб вилоятида АҚШ ҳарбийларининг ҳаводан йўллаган ҳужуми натижасида ўлган. АҚШ президенти Дональд Трамп Ироқ, Сурия, Америка, Россия, Туркия ва курдларга операциядаги ҳамкорлик учун миннатдорчилик билдирган ва Бағдодийнинг ўлими ҳақидаги маълумотни расман тасдиқлаган. ИШИД собиқ раҳбарининг жасади қолдиқлари денгизга оқизилиши ва ташкилот раҳбарлигини келиб чиқиши туркман миллатига мансуб ироқлик собиқ зобит Абдулла Қардош эгаллаши тахмин қилинганди. Кейинчалик ИШИД вакиллари ҳам раҳнамо ҳалок бўлганлигини тасдиқлади ва АҚШдан қасос олишни ваъда берди. ИШИД террорчилик ташкилотида Бағдодийнинг ўрнини Абу Иброҳим ал-Ҳошимий ал-Қурайший эгаллаган. 4 ноябрь, якшанба куни Суриянинг Алеппо вилоятида Туркия ҳарбийлари Бағдодийнинг опаси 65 ёшли Расмия Авад ва унинг оила аъзоларини қўлга олган. 7 ноябрда АҚШ давлат департаменти ИШИД террорчилик ташкилотининг етакчиси Абу Бакр ал-Бағдодийнинг ўрнини эгаллаган янги раҳнамо ҳам тез орада йўқ қилинишини маълум қилди. Аммо у етакчининг исми Абдулла Қардошми ёки Абу Иброҳим ал-Ҳошимий ал-Қурайшийми аниқлик киритмаган. 16 ноябрда Туркия хавфсизлик кучларининг ИШИД собиқ етакчиси Абу Бакр Ал-Бағдодийнинг камида 25 нафар қариндошини қўлга туширгани хабар қилинди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)