Покистон кичик радиусли Шаҳин-1 баллистик ракетасини синовдан ўтказди. Бу ҳақда Покистон қуролли кучлари вакили, генерал Асиф Ғафур 18 ноябрда маълум қилди.
«Ракета қуролли кучлар стратегик қўмондонлигининг тезкор тайёргарлигини текшириш мақсадида синовдан ўтказилди», – дейилади баёнотда.
Шаҳин-1 ракетаси ер-ер синфига мансуб, ушбу қурол 650 километр масофадаги нишонга ҳар қандай жангари, жумладан, ядро зарбасини ҳам йўллаш имконини беради.
Покистон август ойида ер-ер синфига кирувчи Ғазнавий баллистик ракетасини ҳам тест қилган. Ракета 290 километргача масофага турли типдаги ҳужум зарбасини бера олади.
Покистоннинг яқин қўшниси Ҳиндистон 8 ноябрда Ҳиндистон мудофаа йўналишидаги изланишлар ва тадқиқотлар ташкилоти (ДРДО) сув ости кемалари учун К-4 баллистик ракеталарини, 16 ноябрда эса қуруқликдаги ҳаракатлар учун мўлжалланган Agni-II баллистик ракетасини синовдан ўтказган.
Изоҳ (0)