Тошкент шаҳар ИИББ матбуот хизмати ҳайдовчиларга чорраҳада ҳаракатланиш бўйича эслатма берди.
Қоидага кўра, чапга ёки ўнгга бурилаётган ҳайдовчи кесишаётган йўлнинг қатнов қисмидан ўтаётган пиёда(лар)га, шунингдек, велосипед йўлкасидан йўлни кесиб ўтаётган велосипедчи(лар)га йўл бериши керак.
Ҳайдовчи тирбандлик туфайли мажбурий тўхтаб, кўндаланг йўналишдаги транспорт воситаларининг ҳаракатланишига тўсқинлик туғдирадиган бўлса, чорраҳа ёки қатнов қисмлари кесишмасига кириши тақиқланади.
Ҳаракатланиш навбати светофор ёки тартибга солувчининг ишоралари орқали аниқланиб бошқарилаётган чорраҳа — тартибга солинган чорраҳа ҳисобланади.
Мавзуга доир: ИИББ сунъий нотекисликларнинг техник талаблари ва уни қандай йўлларга ўрнатиш мумкин эмаслигига ойдинлик киритди
Айланма ҳаракатланиш чорраҳасида ҳаракатланаётган транспорт воситалари айланага кириб келаётган транспорт воситаларига нисбатан устунликка (имтиёзга) эга.
Эслатиб ўтамиз, шаҳар йўлларида тирбандлик билан курашиш учун синов тариқасида янги йўл чизмаси жорий этилди. Ташқи кўриниши сабабли халқ тилида «вафли чизмаси»даги чизиқлар ёрдамида ҳаракат йўналишида тирбандлик юзага чиққан ҳолатда чиқиш мумкин бўлмаган ҳудуд белгилаб олинади ва ҳайдовчи тўхташга мажбур бўлади.
Қуйидаги ҳавола орқали янги таҳрирдаги йўл ҳаракати қоидалари билан танишиб чиқиш мумкин.
Изоҳ (0)