Toshkent shahar IIBB matbuot xizmati haydovchilarga chorrahada harakatlanish bo‘yicha eslatma berdi.
Qoidaga ko‘ra, chapga yoki o‘ngga burilayotgan haydovchi kesishayotgan yo‘lning qatnov qismidan o‘tayotgan piyoda(lar)ga, shuningdek, velosiped yo‘lkasidan yo‘lni kesib o‘tayotgan velosipedchi(lar)ga yo‘l berishi kerak.
Haydovchi tirbandlik tufayli majburiy to‘xtab, ko‘ndalang yo‘nalishdagi transport vositalarining harakatlanishiga to‘sqinlik tug‘diradigan bo‘lsa, chorraha yoki qatnov qismlari kesishmasiga kirishi taqiqlanadi.
Harakatlanish navbati svetofor yoki tartibga soluvchining ishoralari orqali aniqlanib boshqarilayotgan chorraha — tartibga solingan chorraha hisoblanadi.
Mavzuga doir: IIBB sun’iy notekisliklarning texnik talablari va uni qanday yo‘llarga o‘rnatish mumkin emasligiga oydinlik kiritdi
Aylanma harakatlanish chorrahasida harakatlanayotgan transport vositalari aylanaga kirib kelayotgan transport vositalariga nisbatan ustunlikka (imtiyozga) ega.
Eslatib o‘tamiz, shahar yo‘llarida tirbandlik bilan kurashish uchun sinov tariqasida yangi yo‘l chizmasi joriy etildi. Tashqi ko‘rinishi sababli xalq tilida “vafli chizmasi”dagi chiziqlar yordamida harakat yo‘nalishida tirbandlik yuzaga chiqqan holatda chiqish mumkin bo‘lmagan hudud belgilab olinadi va haydovchi to‘xtashga majbur bo‘ladi.
Quyidagi havola orqali yangi tahrirdagi yo‘l harakati qoidalari bilan tanishib chiqish mumkin.
Izoh (0)