O‘zbekiston Prezidenti Shavkat Mirziyoyev topshirig‘iga ko‘ra maxsus tuzilgan ishchi guruh tomonidan Iroq hukumati va UNICEF bilan hamkorlikda Iroq hududida og‘ir sharoitda qolayotgan 64 nafar bola O‘zbekistonga qaytarildi. O‘zAning xabar berishicha, “Mehr 2” insonparvarlik operatsiyasi doirasida O‘zbekistonga olib kelingan 39 nafar o‘g‘il va 25 nafar qiz bolaning orasida 14 nafar 3 yoshgacha bo‘lgan hamda 2 nafar ota-onasidan ayrilgan bolalar bor.
Mavzuga doir: Yaqin Sharqdagi mojarolar hududidan o‘zbekistonliklarni qaytarish bo‘yicha ikkinchi maxsus operatsiya amalga oshirildi
Qayd etishlaricha, bu ayollarning turmush o‘rtoqlarining ayrimlari ayni paytda xalqaro terrorchilik tashkilotlari safida qolayotgan bo‘lsa, bir qismi jangovar harakatlar davomida halok bo‘lgan, qolganlari esa Iroq va Suriya qamoqxonalarida jazo muddatlarini o‘tamoqda.
Bolalar sog‘lomlashtirish muassasasiga joylashtirilishi, ularga har tomonlama tibbiy, psixologik va ijtimoiy yordam ko‘rsatilishi ko‘zda tutilgan. Sihatgohda bolalar uchun issiq ovqatlar tashkil etilib, yangi kiyim-kechaklar beriladi. Ularning shaxsini tasdiqlovchi hujjatlari rasmiylashtiriladi, homiylar va vasiylarga biriktiriladi, bog‘cha, maktablarga joylashtiriladi.
Izoh (0)