АҚШ президенти Дональд Трамп мамлакат Конгрессида импичмент доирасидаги текширув бўйича очиқ эшитувлар юзасидан америкаликларга мурожаат қилди. Бу ҳақда «Korrespondent.net» хабар бермоқда.
«Ҳозирда юз бераётган ҳолат АҚШ сиёсати тарихидаги энг катта фирибгарлик. Демократлар сизнинг қуролингиз, тиббий суғуртангиз, сайловлардаги овозингиз, озодлигингиз, қўллаб-қувватлаётган судьяларингизни тортиб олмоқчи. Биз бунга ҳеч қачон йўл қўймаймиз. Биз Вашингтон ботқоғини қуритиш учун курашяпмиз, ҳозир айнан шу билан машғулман», — деди Трамп.
Унинг айтишича, ҳозирда бутун мамлакат тақдири ҳал бўлмоқда.
«Ҳаммаси жуда оддий: улар мени тўхтатишга ҳаракат қилмоқда. Мен эса сизлар учун курашяпман ва ҳеч қачон бунга йўл қўймайман», — таъкидлаган Трамп.
Изоҳ (0)