Эрон жануби-шарқида юз берган катта йўл транспорт ҳодисаси оқибатида йигирма саккиз нафар одам қурбон бўлди. Бу ҳақда Mehr агентлиги маълумотига таяниб «РИА Новости» хабар берди.
«14 ноябрь тонгида ичида ноқонуний йўл билан мамлакатга кирган меҳнат муҳожирлари бўлган иккита пикапнинг тўқнашуви оқибатида 28 нафар одам ҳалок бўлди, 21 нафар муҳожир жароҳатланди», — дейилади Mehr агентлигининг маҳаллий тиббиёт хизматларига асосланиб берган хабарида.
ЙТҲ Покистон ва Афғонистон билан чегара ҳудудидаги Белужистон ва Систон вилоятлари оралиғида содир бўлган. Ҳалок бўлганларнинг қайси давлат фуқаролари эканлиги ҳақида расмий маълумот берилмаган. Айрим нашрлар уларнинг Афғонистон фуқаролари экани ҳақида ёзган.
Мавзуга доир: Видео: Қозоғистонда поезд автобусни уриб кетди
Изоҳ (0)