Булунғурда жуда кўп миқдордаги солиқларни қасддан тўламаслик ҳолати аниқланди. Бу ҳақда Бош прокуратура ҳузуридаги департамент матбуот хизмати «Дарё»га хабар берди.
Департаментнинг Булунғур туман бўлими томонидан ўтказилган терговга қадар текширувда, «Ф.Л.» МЧЖ раҳбари Ф.Б. корхонага импорт қилинган жуда кўп миқдордаги юқори ликвидли товарларни нақд пулга сотиб, савдодан тушган нақд пул маблағларини банк муассасасига топширмасдан, 2018 ва 2019 йилнинг июль ойига қадар амалга оширган 6,6 миллиард сўмлик товар айланмасини солиқ ва бошқа мажбурий тўловларни тўламаслик мақсадида солиқ ҳисоботларида кўрсатмасдан жами, 1,3 миллиард сўм қўшилган қиймат солиғини тўлашдан қасддан бўйин товлаганлиги аниқланган.
Мазкур ҳолат юзасидан ЖКнинг 184 ва 189-моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)