Аргентиналик рассом Кобре Сан-Франсискодаги улкан биноларнинг деворларидан бирига швециялик ўсмир қиз Грета Тунбергнинг портретини чизмоқда. Бу ҳақда «Интерфакс» хабар берди.
16 ёшли Тунбергнинг қиёфаси Юнион-скверга яқин ерда жойлашган бинода акс этади. Қиз иқлим ўзгаришлари мавзусида БМТ бош ассамблеясида нутқ сўзлаган ва маърузасида барча капиталистлар ва давлар раҳбарларини вазиятга бепарво бўлмасликка чақирган. Мактаб ўқувчиси ҳар жума куни норозилик шакли сифатида мактабга бормайди ва Швеция парламенти олдида намойиш ўтказади.
Рассомнинг ишини атроф-муҳитни ҳимоя қилиш билан шуғулланувчи One Atmosphere нотижорат ташкилоти қўллаб-қувватламоқда. Ташкилот ижрочи директори Пол Скотт Кобредан Сан-Франсискода яна бир нечта экология фаолларининг портретини чизиши кераклигини қайд этди. One Atmosphere бошқа биноларнинг эгалари билан ҳам музокаралар ўтказиб, рассомнинг бошқа портретларни чизиши учун шароит яратиб бермоқчи. Шунингдек, Скотт Грета Тунбергнинг шаҳарда улкан портрети борлигидан бехабарлигини қайд этди.
Мавзуга доир:
Кобре ўз санъат асарини келаси ҳафтада якунлайди. Аввал аргентиналик рассом шаҳардаги бинолардан бирида таниқли актёр Робин Уильямснинг портретини чизган.
Аввал Леонардо ди Каприо Instagram’да Грета Тунбергнинг фаоллиги келажакда ўз самарасини бериши ҳақида пост ёзган ва қизалоқ билан бирга тушган суратини жойлаштирганди.
Изоҳ (0)