Боливияда мухолифат тарафдорлари Patria Nueva (PRN) давлат радиостанцияси ва Bolivia TV (BTV) миллий телеканали жойлашган бинони қўлга олди. Бу ҳақда «РИА Новости» хабар бермоқда.
Patria Nueva директори Иван Малдонадога кўра, намойишчилар студияни қуршаб олган ва икки соат давомида журналистларни тутиб турган. Улар фаолият тўхтатилмаса, қурилмаларни йўқ қилиш билан таҳдид этган.
Боливия президенти Эво Моралес Twitter’даги саҳифасида мазкур ҳужумни қоралади.
«Улар демократияни ҳимоя қиляпмиз дейишади, бироқ ўзларини мустабид тузумлардаги каби тутмоқда», — дея ёзиб қолдирган давлат раҳбари.
Изоҳ (0)