Argentinalik rassom Kobre San-Fransiskodagi ulkan binolarning devorlaridan biriga shvetsiyalik o‘smir qiz Greta Tunbergning portretini chizmoqda. Bu haqda “Interfaks” xabar berdi.
16 yoshli Tunbergning qiyofasi Yunion-skverga yaqin yerda joylashgan binoda aks etadi. Qiz iqlim o‘zgarishlari mavzusida BMT bosh assambleyasida nutq so‘zlagan va ma’ruzasida barcha kapitalistlar va davlar rahbarlarini vaziyatga beparvo bo‘lmaslikka chaqirgan. Maktab o‘quvchisi har juma kuni norozilik shakli sifatida maktabga bormaydi va Shvetsiya parlamenti oldida namoyish o‘tkazadi.
Rassomning ishini atrof-muhitni himoya qilish bilan shug‘ullanuvchi One Atmosphere notijorat tashkiloti qo‘llab-quvvatlamoqda. Tashkilot ijrochi direktori Pol Skott Kobredan San-Fransiskoda yana bir nechta ekologiya faollarining portretini chizishi kerakligini qayd etdi. One Atmosphere boshqa binolarning egalari bilan ham muzokaralar o‘tkazib, rassomning boshqa portretlarni chizishi uchun sharoit yaratib bermoqchi. Shuningdek, Skott Greta Tunbergning shaharda ulkan portreti borligidan bexabarligini qayd etdi.
Mavzuga doir:
- Greta Tunberg Shimoliy kengashning 52 ming dollar miqdoridagi mukofotidan voz kechishga qaror qildi
- Vladimir Putin tanqid qilgan shvetsiyalik o‘smir qiz Twitter’dagi profilini o‘zgartirib qo‘ydi
- Vladimir Putin BMT bosh konferensiyasida nutq so‘zlab katta shov-shuvga sabab bo‘lgan 16 yoshli qizni tanqid qildi
Kobre o‘z san’at asarini kelasi haftada yakunlaydi. Avval argentinalik rassom shahardagi binolardan birida taniqli aktyor Robin Uilyamsning portretini chizgan.
Avval Leonardo di Kaprio Instagram’da Greta Tunbergning faolligi kelajakda o‘z samarasini berishi haqida post yozgan va qizaloq bilan birga tushgan suratini joylashtirgandi.
Izoh (0)