Қашқадарё вилояти Қамаши туманидан ўтган «М-39» йўлида 28 октябрь, душанба куни соат тахминан 20:00 да Damas ва «Жигули» автомобиллари тўқнашиши оқибатида 4 нафар фуқаро турли даражада жароҳатланди. Бу ҳақда Соғлиқни сақлаш вазирлиги матбуот хизмати хабар берди.
Воқеа жойига тез тиббий ёрдам бригадаси зудлик билан етиб борган. Жароҳатланган беморлар: 26 ёшли А.Г. бош мия лат ейиши, қорин бўшлиғи аъзоларининг ёпиқ шикастланиши ташхиси, 34 ёшли Ш.Ж. бош мия чайқалиши ташхиси, 27 ёшли Ж.Э. бош мия лат ейиши, пастки жағ суягининг ёпиқ синиши, қорин бўшлиғи аъзоларининг ёпиқ шикастланиши ташхиси ҳамда 34 ёшли С.М. эса очиқ калла мия шикастланиши, иккала сон бўлакланиб синиши, ўнг елка суягининг очиқ бўлакланиб синиши, постгеморрагик ва посттравматик шокнинг оғир даражаси ташхиси билан Қамаши туман тиббиёт бирлашмаси шошилинч тиббий ёрдам бўлимига ётқизилган.
Бундан аввал Сурхондарёда юк машинаси йўлдан чиқиб кетиши оқибатида 2 киши ҳалок бўлгани, яна 2 нафари оғиқ аволда эканлиги, «КамАЗ» ва Matiz тўқнашиши оқибатида 4 нафар фуқаро жароҳатлангани, уларнинг икки нафари болалар эканлиги маълум бўлганди.
Изоҳ (0)