Qashqadaryo viloyati Qamashi tumanidan o‘tgan “M-39” yo‘lida 28-oktabr, dushanba kuni soat taxminan 20:00 da Damas va “Jiguli” avtomobillari to‘qnashishi oqibatida 4 nafar fuqaro turli darajada jarohatlandi. Bu haqda Sog‘liqni saqlash vazirligi matbuot xizmati xabar berdi.
Voqea joyiga tez tibbiy yordam brigadasi zudlik bilan yetib borgan. Jarohatlangan bemorlar: 26 yoshli A.G. bosh miya lat yeyishi, qorin bo‘shlig‘i a’zolarining yopiq shikastlanishi tashxisi, 34 yoshli Sh.J. bosh miya chayqalishi tashxisi, 27 yoshli J.E. bosh miya lat yeyishi, pastki jag‘ suyagining yopiq sinishi, qorin bo‘shlig‘i a’zolarining yopiq shikastlanishi tashxisi hamda 34 yoshli S.M. esa ochiq kalla miya shikastlanishi, ikkala son bo‘laklanib sinishi, o‘ng yelka suyagining ochiq bo‘laklanib sinishi, postgemorragik va posttravmatik shokning og‘ir darajasi tashxisi bilan Qamashi tuman tibbiyot birlashmasi shoshilinch tibbiy yordam bo‘limiga yotqizilgan.
Bundan avval Surxondaryoda yuk mashinasi yo‘ldan chiqib ketishi oqibatida 2 kishi halok bo‘lgani, yana 2 nafari og‘iq avolda ekanligi, “KamAZ” va Matiz to‘qnashishi oqibatida 4 nafar fuqaro jarohatlangani, ularning ikki nafari bolalar ekanligi ma’lum bo‘lgandi.
Izoh (0)