Вазирлар Маҳкамасида 29 октябрь куни Ўзбекистонни ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурида белгиланган Ижтимоий соҳани ривожлантиришнинг устувор йўналишларини амалга ошириш бўйича Комиссия мажлиси бўлиб ўтди.
Унда, жумладан, 2020 йилги Давлат дастурининг Ижтимоий соҳани ривожлантиришнинг устувор йўналишларига киритиш учун тайёрланган таклифлар ҳақида сўз юритилди.
«Дарё» мухбирининг сенатор Зайниддин Низомхўжаев сўзларига асосланиб маълум қилишича, мутасадди вазирлик ва идоралардан 100 га яқин асослантирилган таклифлар қабул қилинган, ҳар бир таклиф ишчи гуруҳларда атрофлича муҳокама этилган ва якуний ҳужжат хулоса сифатида Президент администрациясига киритилган.
Маълум қилинишича, аҳоли бандлигини таъминлаш соҳасида Давлат дастурига киритиш учун қуйидагича таклифлар билдирилган:
- 2020 йил учун Аҳоли бандлигини таъминлаш ва янги иш ўринларини ташкил этиш давлат буюртмасини ишлаб чиқиш;
- Миллий профессионал стандартларни ишлаб чиқиш ва амалиётга жорий этиш;
- «Меҳнат миграцияси тўғрисида»ги қонун лойиҳасини ишлаб чиқиш;
- Мавжуд муаммоларни ўрганиб, «Хусусий бандлик агентликлари тўғрисида»ги қонуни ва бошқа норматив-ҳуқуқий ҳужжатларга ўзгартиришлар киритиш;
- Меҳнат миграциясидан қайтган фуқароларни реинтеграция қилиш бўйича марказлар ташкил қилиш.
Изоҳ (0)