Сантьяго марказида намойишчилар сони миллионга яқинлашди. Бу ҳақда Чили пойтахти мэри Карла Рубилар маълум қилди, дея хабар беради «РИА Новости».
«Чили тарихий воқеани бошдан кечирмоқда. Пойтахтдаги тинч намойишга миллионга яқин киши йиғилди. Мамлакатга кўпроқ мулоқот ва тинчлик маршлари керак», — деб ёзган мэр Twitter’даги саҳифасида.
Чилиликлар бугун мамлакат тарихидаги энг катта намойишни ўтказиш учун кўчаларга чиқди. Оммавий чиқишларга метрода қатнов нархи ошгани туртки бўлди.
Шунингдек, аҳоли бепул таълим ва тиббий хизмат олиш кафолатланмагани, маошлар пастлиги, нарх-наво эса ошиб бораётганидан норози бўлмоқда.
Изоҳ (0)